• itskodman@gmail.com
  • Ulaanbaatar, Mongolia
зөвлөгөө
Ус туулан давхих таны машинд ямар хортой вэ? Ус туулсан үед өгөх зөвлөгөө танд зайлшгүй хэрэг болно.

Ус туулан давхих таны машинд ямар хортой вэ? Ус туулсан үед өгөх зөвлөгөө танд зайлшгүй хэрэг болно.

Хотын нөхцөлд бороо орсны дараа автомашины жолооч нар санаатай, санамсаргүй, эсвэл санаатайгаар тогтсон усыг хүчтэй туулж, явган зорчигчдыг норгон, бухимдуулах үйлдлийг гаргадаг. Энэ үйлдэлд нь ус цацуулсан иргэд бухимдаад л өнгөрдөг.

Уг нь замын цагдаагийн албанаас энэхүү үйлдлийг нь буруу хэмээн үзэж, ийм бүдүүлэг үйлдэл гаргавал торгоно гэж анхааруулдаг хэдий ч торгосон нь ч алга, торгуулсан нь ч алга. Ус цацуулсан иргэд нороод л, бухимдаад л хоцордог бол энэ үйлдэл жолооч таны машинд сайн, муу ямар нэг хэлбэрээр нөлөөлдөг болов уу?

Тэгвэл энэ талаар багахан мэдээллийг хүргэе.

Хэрэв таны машины моторын доод элгэвч байхгүй бол динам болон кондишний шарик үсчсэн усанд угаагдаж тун удахгүй мотор хүнгэнэсэн дуутай болчихдог. Үүнээс гадна цапны шарик хүчтэй усанд угаагдаж тосоо урсгаснаар эвдрэлд хүрэх үндсэн шалтгаан болдог.

Дуу нь хатсаны дараа хэвийн болно гэж бодож байвал та эндүүрч. Дуу гарах шалтгаан нь дээрх хэлсэнчлэн шарик тосолгоогүй болох, ремень сунах зэргээс болно.

Дээрх гэмтлээс урьдчилан сэргийлэхийн тулд элгэвч, гармошик резинүүдийг байнга шалгаарай. Харин аль нэг эд анги байхгүй, урагдсан бол зөөлөн туулах нь хамгийн зөв сонголт.

Нөгөө талаар таван булын гармушик резин цоорсон бол ус орж яваандаа эвдрэх үндэс болно. Мөн хойноо хөтлөгчтэй машины чагтан гол суларсан үед ус, шороо орж элэгдлийг түргэсгэнэ.

Цаашлаад яндангаар ус орвол зэврэлт үүсэж, катализатор эвдрэх шалтгаан болдог. Тиймээс машины эд анги муудсан бол усанд удаан зогсохгүй, хүчтэй туулахгүй байх, суусан тохиолдолд түргэн гаргах хэрэгтэй

Харин хөдөө шавар ус туулсан бол агааржуулалтын шланкыг шалгахаа мартуузай. Мөн хэрэгтэй нэгэндээ заавал хүргээрэй

Leave a Reply

Your email address will not be published. Required fields are marked *

Хуулбарлах хориотой.
error: Хуулбарлах хориотой.